خبرنامه کارگران کمونیست ایران

یک سایت دیگر با وردپرس

صاباح نه اولاجاق؟

بدست • 22 فوریه 2010 • دسته: بخش ترکی کارگران کمونیست ایران


منبع: http://en.internationalism.org

بو گون عمومي اعتصابين رئاللاشماسي، امکچيلرين تکل ايشچيلري نين مبارزه لري نين اؤز مبارزه لري اولاراق گؤردوکلريني گؤسترير. امکچيلرين بير چوخو اؤزلري نين بو هجوملاردان دوغرودان تاثيرلنه جکلريني گؤره بيلير. تورکييه ده، حکومتين خصوصيلشديرمه لر يولويلا دارالتماغي هدفله ديگي بؤيوک بير ايجتيماعي سئکتور وار. بو گون تکلده اولانلار صاباح ديگر سئکتورلاردا اولاجاق. تکل ايشچيلري نين بو گون دوغرودان معروض قالديغي هجوملارا صاباح ديگر سئکتورلارداکي ايشچيلر معروض قالاجاق. جمعيتده فرقلي آدلارلا، فرقلي سئکتورلارا سؤيکه ديلن بو ايش شرطلري، خصوصی سئکتور اوچون ده اعتيبارلي. بونون يانيندا گئده رک آرتان ايشسيزليگي دوشونولدويونده ايشچي طبقاتی نين بوتونونون حيات شرطلرينه نه جور بؤيوک بير هجومون رئاللاشديغيني گؤرمک چتين دگیل. هر بيريميز اؤز حياتيميزين نه قدر يوخسوللاشديغيني اونسوز دا بيليريک آما اهميتلي اولان جمعيتده اولسون خصوصی سئکتوردا اولسون بو هجومون عومومي بير هجوم اولدوغونون فرقينه وارماق. تکل ايشچيلري نين شرفلي مبارزه سي، بو شرطلر آلتيندا بوتون ايشچي طبقاتینه بير اوميد اولدو. بو گون اونلارين قازانماسي، بوتون ايشچي طبقاتی نين قازانماسي معناسيني وئرير. بو مبارزه ايش و حيات شرطلرينه يؤنلديلن عومومي هجومو دايانديرما گوجونه صاحیبدیر. تام دا بو سببله، امکچيلرين بو گون نيه اعتصابدا، خیابان لاردا اولماسي لازيم اولدوغو چوخ آچيقدیر.

ياخشي صاباح نه اولاجاق؟ مينلرله ايشچي، ياغيشا، قورو، سويوغا باخماياراق 52 بويونجا تورک-ايش بيناسي نين قارشيسيندا گؤزله ديلر و سندیکالاری بير گونده ليک اعتصاب اعلان ائتمک مجبوريتينده بوراخديلار. لاکين بو اعتصاب تک باشينا، حکومتين اقتصادی پروگرامي نين چوخ اهميتلي بير پارچاسيني دييشديرمه سي اوچون کافي اولماياجاق. اعتصابين آرديندان اردوغان، بؤيوک احتماللا قراريندان امتناع ائتميه جک.

سندیکالارین بو اعتصابين آرديندان نه ائده جگيني بيرليکده گؤره سييز لاکين تاثيرلي بير رول اويناياجاقلاري اولدوقجا شبهه لي. سندیکالارين بو اعتصابين چاغيريشيني ائتمه لري چوخ اوزون سوردو. اصلينده بو چاغيريشي ائتمه لري نين سببي ده ايشچيلرين اعتيباريني تاماميله ايتيرمکدن قورخمالاري اولدو. 17 يانوارداکي ميتينگ ده ن سونرا تورک-ايش بيناسيندا موستافا قوملونو آختاران ايشچيلر ” ايشچي دوشمني، آکپين خيدمتچيسي ” شعارلاري آتيرديلار. بير چوخ ايشچي، بو مودتده سندیکا لرين ايشچيلرين منفعتلري اوچون چاليشما ديگي نين فرقينه واردي. بونو، باتماغيندان بير تکل ايشچيسي نين شکر ايشچيلرينه يازديغي مکتوب آچيقجا ديله گتيريردي: ” امکچي، شرفلي شکر ايشچيسي قارداشلاريميز، بو گون تکل ايشچيسي نين وئرميش اولدوغو شرفلي مبارزه بوتون امکچيلرين، حاقلاري اليندن آلينانلار اوچون تاريخي بير فورصتدير. بو فورصتي تپمه مک آدينا سيز امکچي قارداشلاريميزي دا بو شرفلي مبارزه نين ايچينده گؤرمک بيزي داها چوخ سئوينديرر و گوجلنديرر. يولداشلار خصوصیله بونو ايفاده ائتمک ايسته ييرم کي بو آن سندیکا چيلر سيزلره ” بيز بو ايشي هلل ائدريک ” دئيه اوميد ود ائده بيلرلر. آما بيز ده عئيني مودتدن کئچديگيميز اوچون بونو چوخ ياخشي بيليريک کي اونلار دوزو قورو و هئچ بير حيات ناراحاتليغي اولمايان اينسانلار. آما امگي اليندن آليناجاق، حاقلاري غصب ائديله جک اولان سيزلرسينيز. بو گون بو مبارزه ده ايشتيراک ائتمه سه نيز صاباح سيزين اوچون چوخ گئج اولا بيلر. نتيجه ده سيز اولماسانيز دا بو مبارزه ظفرله نتيجلنه جک، بوندان هر هانسي بير شبهه و ناراحاتليغيميز يوخدور. چونکي بونو ياخشي بيليريک کي امکچيلر تک بدن اولونجا باجارا بيلميه جکلري هئچ بير شئي يوخدور. بو دويغولارلا بوتون تکل ايشچيلري آدينا سيزي حؤرمت و بوتون صميميليگيمله سالاملاييرام. ”

تکل ايشچيلري بو مبارزه ني داوام ائتديرمکده قرارلي. ائديلن رئفئراندورومدا %99 داوام اونو استفاده ائديلدي. يالنيز 28ي يني %1دن آزي 4ج شرطلريني قبول ائتدي. لاکين بو دايانيقليليق قازانماق اوچون کافي دگیل. بورادا اولان هر کسين آنلاديغي اوزره لازيملي اولان همريليک و بيرليکدير.

تکل ايشچيلري، ديگر امکچيلردن دستک آلماغا، اونلارين دا حرکته کئچمه سيني تامین ائتمه يه چاليشدي. لاکين مبارزه نين ياييلماماسي، اونلاري آجليق اعتصابي کيمي حرکتلره سورودو. لاکين بو ديگر سئکتورلاردا هئچ مبارزه اولماديغي معناسيني وئرمير. اونلار دا مبارزه ائتمه ايستگي گؤستريرلر. خيلاصئديجيلرين، دمير يولو امکچيلري نين، خستخانا امکچيلري نين و ديگرلري نين مبارزه لري بونو آچيق ايفاده لريدير. لاکين بو قيغيلجيملار تک باشينا قالديغيندا سؤنمه يه محکومدور آنجاق اونلارين گؤروشمه سي، بير يانغينا چئوريلمه سي ايله قازانا بيلريک.

صاباح تکل ايشچيلري تورک-ايش قارشيسيندا مبارزه يه داوام ائدرکن بيز نه ائده جگيک؟ بو حرکتي آرديندان، ايشلريميزه گئري دؤنوب حياتلاريميزا داواممي ائده جگيک؟ هر امکچي اوچون پروبلئم بو مبارزه يه نئجه داوام ائده بيله جگيميز، بو مبارزه ني نئجه اينکيشاف ائتديريب پييادا بيله جگيميزدير. تکل ايشچيلريني نيظاملي اولاراق زيارت ائتمک، ايشچي يولداشلاريميزلا بو مبارزه ني اينکيشاف ائتديرمک اوچون نه لر ائده بيله جگيميزي موباحيثه مذاکره ائتمک اوچون توپلانماق، تکل ايشچيلريني دانيشمالاري اوچون بو ييغينجاقلارا دعوت ائتمک بو مبارزه نين اينکيشافي اوچون ائده بيله جکلريميز. ان اهميتليسي ايسه بوتون بونلارين رئاللاشماسي اوچون سندیکا لره بئل باغلاماماميز، اؤز ايشيميزي اؤزوموز ائتمه ميز لازيمدير چونکي اونلار بيزيم آديميزا بيزيم اوچون حرکت ائتمه ديلر؛ ائتميه جکلر. صاباح تکل ايشچيلرينه نه اولاجاغي نين مسئوليتي امکچيلرين اللرينده دير، عئيني بو مبارزه ني قازانما گوجونون امکچيلرين اؤز اللرينده اولدوغو کيمي.

دیدگاه خود را بیان کنید.