خبرنامه کارگران کمونیست ایران

یک سایت دیگر با وردپرس

موسوی ایشچی دوستو دگیل

بدست • 22 فوریه 2010 • دسته: بخش ترکی کارگران کمونیست ایران


منبع : http://en.internationalism.org

دئکابر آييندا ايراندا يئنه کوتلوي حرکتلر باش گؤستردي. ‘مخالف’ موللا بؤيوک آیت الله حسینعلي منتظري نين قومدا تشییع اولونان جنازه سينده يوز مينلرله اينسان خیابانا تؤکولدو و عاشورا واختينا گله نه قدر بوتون اؤلکه ده اعتيراضچيلار ايله انتظامی گوجلري آراسيندا قارشيدورمالار باشلاميشدي و ايران دولت تلويزيياسينا گؤره 15 آدام حياتيني ايتيرميش، و مينلرله آدام حبس اولونموشدو. ايران خاريجيندن گلن قايناقلارا گؤره ايسه، اؤلو سايي ادعا ائديله نين بير خئيلي اوستونده ايدي . حکومت منبعلری پلیسلرين آکتيويستلره آتش آچماغينی ردد ائديبلر. بعضی نیظامی شخصلر اعتراضچیلار صفلرینه قاتيلمالاري و آکتيويستلرين بير پلیس قرارگاهینا هوجوم ائديب اله کئچرمه سي کيمي حاديثه لرده اوزوئرميشدي.

بو آندا ايراندا اولان بيته نين تام اولاراق نه اولدوغونو بيلمه نين چتين اولماسينا باخماياراق، کومونيستلرين نه اولوب بيتديگيني آناليز ائتمه سي و آنلاماغا چاليشماسي بيز طرفيندن اهميت داشيماقدادير. بلکه ده بو ايشه گيريشمه نين ان ياخشي يولو، اولجه رد ائتديگيميز ياناشمالارين نه اولدوقلاريني اورتايا قويماق و بو ياناشمالاردا پروبلئملي گؤردويوموز نقطه لرين وورغولاماق اولاجاق.

ايلکين، خوصوصيله غرب اؤلکه لريندن کيمي سؤزده ‘انتي-امپریالیستلرين گئيينديگي توتومو تاماميله مرتجع گؤردويوموزو ايفاده ائتمک ايسته ييريک. بو ياناشما، ان آشاغليک فورماسيندا ‘سيا قايناقلي کيچيک بورژوا حرکتين’ ايران دولتي طرفيندن باسديريلماسينا بوتونلوکله دستک تقديم ائتمکده. بيزه گؤره سيانين بو حرکتي تاثير ائتمه يه چاليشديغي شبهه سيز دوغرو اولماقلا بيرليکده، قاتيلان اينسانلارين سايي بيزه رئاللاشانلارين واشنگتندان چيخما اولماديغيني، ايراندا حقيقتن گئنيش بير دستک گؤردويونو گؤسترير.

کنار ياندان بو آندا ‘خالق ايقتيداري’ شوعارينا قاتيلميش سولچولارين دوشدويو تله يه دوشمگي دوغرو تاپميريق. سوسياليزمي پیروز ائتمک مقصدييله رئاللاشديريلان بير ايشچي طبقاتی انقلابي ايله کئچديگيميز ايگيرمي ايل ايچريسينده اروپادا دفعه لرله گؤردويوموز، و ايرانداکي حاديثه لرين داخيل ائديلمه يه چاليشيلديغي ‘رنگلي’ انقلابلار آراسيندا نهنگ بير فرق مؤوجوددور.

حاکيم طبقاتین، بو و يا بو دولتي کيم نظارت ائده جک دؤيوشونه آلوولانميش قشرلريني دستکله مک، امکچي اينسانلارا هئچ بير گئتيري تامین ائتمير. موسوی و اونون مخالفتي شبهه سيز بو شکيلده قييمتلنديريلمه ليدير. موسوی بيلينديگي اوزره ايسلامي رئسپوبليکانين ايلک ايللرينده، ايجتيماعي مخالفته قارشي دؤزوملولوکسوزلوگو ايله آد سالميش بير حکومتين باش ناظيرليگي وظيفه سيني سککيز ايل بويونجا داوام ائتديرميش بير آدامدير. آيريجا اؤزو بو آندا ان يوکسک کرئسلودا اوتوران بؤيوک آیت الله علي خامنه اینین ده قوهومودور (موسوی نين بؤيوک آناسي، خامنه اينين بيبي سيدير). موسوی نظامي دوزلتمک’ سؤزلريني آغيزيندان سالماسا دا، او نيظامين بير پارچاسيدير.

بونا باخماياراق موسوی نين کامپانيياسي، گئنيش بير دستک چکميش و يوز مينلرله اينساني بوتون حياتي تهلوکه لره باخماياراق خیابان لره تؤکدو. طبيعي کي، بوتون بو اولانلارين قايناغي اولاراق موسویيه دستک وئريلير اولماسي گؤستريله بيلمز. بير چوخ آدام رژیمدن ممنوعنيتسيزليک ائشيدير و دولتين آشکار بير شکيلده سئچکيده حيله يه موراجيعت ائتمه سينه قارشي دوغان حيرصي، ناراحاتليقلاريني ايفاده ائتمک اوچون استفاده ائدير. طبيعي کي، موسوی نين پروقرامي دا خوصوصيله قادينلارين دستگيني چکير. ايرانداکي شاگيرد کوتله سي نين %60يني مئيدانا گتيرن قادينلار، موسوی نين سؤزده اخلاق پلیسيني لغو ائتمه و ايرانلي قادينلارين کيشيلرله برابر مؤوقئعده اولماسينا داير وئرديگي سؤزلردن تاثيرله نيرلر و بو حرکتلرده کي کوتلوي شاگيرد قاتليمي نين قيسمن سببيني مئيدانا گتيرير.

موسوی نين حرکتي نين ايشچيلرين حياتلاريندا گئرچک بير دييشيکلييه گتيريب چيخاريب آچماياجاغي دا اؤزوموزه سوروشماميز لازيم اولان بير سوال. شبهه سيز، اقتصادی ساحه ده موسوی نين پروقرامي آنجاق چوخ کيچيک بير دييشيکلييه يول آچا بيلر. بوتون رنگلردن سياسي پارتييالار، بحرانا قارشي گؤتوردوکلري تدبيرلرده چوخ آز فرقليليک گؤستريرلر، و بو تدبيرلر دايم ايشچيلرين حيات استانداردلارينا هوجوم ائدير. بو ساحه ده نه سؤز وئريليرسه بونلار بوش سؤزلردير. بير سئکتور وحشيجه هوجوملارا معروض بوراخيلميرسا، بو او بيري سئکتورلارا داها سرت هوجوملار اولاجاق دئمکدير. توپليمسال ساحه ده ده، موسوی نين کئچميشده کي حرکتلري نين سيجيلينه باخساق، قادين حاقلارينا داير بوتون سؤزلرينه باخماياراق، اگر ايقتيدارا گليرسه دولتله اوزلاشماغا گئده جگيني و چوخ آز دييشيکليک اولاجاغيني سؤيله يه بيلريک. تايييب نئجه اؤزو باش نازير اولونجا دولتده کي کئماليستلئرين اؤزباشلارينا اورتادان قالخماديقلاريني گؤردوسه، موسوی ده ده ديني محافظه کارلارين اؤزباشلارينا اورتادان قالخماياجاغيني گؤره جک. آيريجا اونسوز دا دولت ايچريسينده چوخ ياواش اولسادا داهي بير ليبئراللاشما مئيلي مؤوجوددور. تهران خیابان لاريندا بو گونلرده بير آز گزمک و اينسانلارين ايگيرمي ايل اولينه موقاييسه ائت نئجه گئيينديکلريني مشاهده ائتمک بو وضعيتي آچيقجا گؤزلر اؤنونه سره جک.

ياخشي، کمونیستلر ايراندا اولانلارا داير بو گون هارادا دايانماليدير؟ ياشيل حرکتين تاماميله بورژوا بير حرکت اولدوغو و ايشچي طبقاتینه هئچ بير شئي تکليف ائتمه ديگي سو آپارماز بير گئرچکدير. آيريجا بو حرکت گوجونو ايتيرير کيمي گؤرونمکده دير. ايلک اعتيراض حرکتلري خیابان لره يوز مينلرله اينساني تؤکموش اولسا دا، بو گون عددلر کيچيلديکجه کيچيلير کيميدير. مبارزه نين ايلک گونلرينده ايشچي طبقاتی نين صحنه يه چيخماسي مومکون گؤرونوردو. تهرانداکي آکتيويستلره قارشي تطبیق اولونان پلیس تزييقي نين آرديندان نهنگ ایران خودرو آوتوموبيل فابريکينده کي ايشچيلر بير گونده ليک بير اعتصابا چيخميشلار ايدي و آچيق آچيق سئچکيلرده کي بير ناميزه دي دستکله ديکلريندن دگیل دولت تزييقينه قارشي اولدوقلاريندان بو حرکتي رئاللاشديرديقلاريني ايفاده ائتميشلر ايدي. لاکين آوتوبوس شوفئرلري سندیکا سي نين نشر ائتديگي بير نئچه معلومات خاريجينده، ايشچيلرين ايشچيلر اولاراق حرکته ايشتيراکي بونونلا محدود قالدي. طبيعي کي حرکتلره قاتيلان چوخ سايدا ايشچي واردي، لاکين بو ايشتيراک فردي بير شکيلده رئاللاشدي، کوللئکتيف بير گوج اولاراق دگیل. بئله سي وضعيتلرده، بيردن چوخ طبقاتی احاطه ائدن بير حرکتده (کي ايراندان فرقلي سولچو تشکیلاتلارين وئرديکلري معلوماتلارين هاميسي حرکتين بئله سي بير خوصوصيتي اولدوغونو ايفاده ائتمکده دير) ايشچيلر کوللئکتيف بير گوج اولاراق حرکت ائتميرلرسه، اونلارين بؤيوک ‘خالق’ کوتله سي نين بير پارچاسي اولاراق گؤرولمه لري قاچينيلمازدير. بو ‘خالق’ کوتله سي ايسه باشقا سينيف گوجلري نين اؤز منفعتلريني رئاللاشديرماق اوچون استفاده ائتديکلري بير کوتله دير.

تشکيلاتيميزين 1979-جو ايلده ايران انقلابينا داير يازديقلاري هله دوزگونلوکلريني قوروماقداديرلار، حتّی کئچديگيميز ايلکي مبارزه لرده ايشچي طبقاتی نين نامئوجودييئتي طرفيندن تصديقلنمکده ديرلر: ” خیابان ده کي اينسانلارين رژیمي آشيرتديغينا داير بوتون سؤزلره باخماياراق، 1979دا دقيق اولان بو ايدي کي ايرانلي ايشچيلرين اعتصابلاري، شاه رژیمي نين آشماسيني تامین ائدن تمل و سياسي عنصر ايدي. بوتون کوتلوي حرکتلره باخماياراق، ايرانداکي بوتون ازيلميش قشرلري احتيوا ائدن ‘خالق’ حرکتي ييلگين دوشمه يه باشلاميشکه ني مبارزه يه 1978ين اوکتيابر آيي نين باشيندا، خوصوصيله نئفت سئکتوروندا ايران پرولتارياسي نين گيريشي، يالنيز رژیم علئيه داري آژيتاسيونا جان وئرمکله قالماياراق ميللي سرمايه نين اؤنونه، کؤهنه حکومت قروپونون يئريني دولدوراجاق يئني بير قروپون يوخلوغوندا حلي غئيري-مومکون بير پروبلئم ياراتدي. تزييق کيچيک تاجيرلري، شاگيردلري و ايشسيزلري گئري چکيلمه يه مجبور ائتمه يه کافي ايدي، لاکين ايشچيلرين اعتصابلري نين ياراتديغي اقتصادی ايفليجه قارشي گوجسوز بير سلاح اولدوغو اورتايا چيخاجاقدي. ”

موسوی حرکتي نين، کيمي طلبلري دولت سيياستينه علاوه اولوناراق ياواشجا سؤنوملئنمئسي قوووتله اولابيله جکدير. ايران بير انقلابين ائشيگينده دگیل. اؤنوموزده کي آيلار رژیمين دگیل، ‘ياشيل حرکتين اؤلومونو گتيره جک. بو چوخ قانلي بير مودت اولا بيلر و اگر ايشچيلر بير-بيرلرييله جئبئللئشئن سيياستچيلرين منفعتلري اوچون دگیل اؤز منفعتلري اوچون مبارزه يه گيرمزلرسه تؤکوله جک قانلارين قاباغينا کئچيلمه سي مومکون اولماياجاق.

دیدگاه خود را بیان کنید.