خبرنامه کارگران کمونیست ایران

یک سایت دیگر با وردپرس

کاپیتالیزم چؤکموش بیر سیستئم، لاکین باشقا بیر دونیا مومکون: کمونیزم!

بدست • 2 مارس 2010 • دسته: بخش ترکی کارگران کمونیست ایران


منبع: http://en.internationalism.org/
سيياستچيلر و اقتصادچيلار آرتيق وضعيتين آغيرليغيني تعيين ائده بيله جک سؤزلري سیندیریجی وضعيتده دی: ” اوچورومون ساحيلينده ” ، ” اقتصادی بير پرل هاربور ” ” بير تسونامي گلير ” ” ماليييه نين 11 سئنتيابري ” … يالنيز تيتانيکه گؤندرمه اسکيک. حقيقتن نه اولور؟ رئاللاشماقدا اولان اقتصادی فيرتينا قارشيسيندا بير سيلسيله آجي وئره ن سوال اورتايا چيخير. 1929 بنزري بير چؤکوش ايچريسينده يیک ؟ ايشلر بورا نئجه گلدي؟ اؤزوموزو مدافعه ائتمک اوچون نه ائده بيلريک؟ نئجه بير دونيادا ياشاييريق؟
حيات شرطلريميزده وحشي بير گئريله مه يه دوغرو
نتيجه يه داير هئچ بير يانيلساما اولا بيلمز. بوتون پلانئت ديامئترينده، اؤنوموزده کي آيلار، اينسانليق حيات شرطلرينده قورخو وئريجي بير گئريله مه ايله قارشي-قارشييا قالاجاق. IMFین سون گزارشيندا آچيقلاديغينا گؤره، بو گوندن 2009ون باشينا قدر 50 اؤلکه قيتليغين ووردوغو شرایطلی جوغرافييالار سيياهيسينا قاتيلاجاق. بونلار آراسيندا بير چوخ آفريکا، لاتين آمریکا، اورتا آمریکا و حتّی آسیا اؤلکه سي وار. مثلا اتیوپی ده 12 ميليون اينسان رسمي اولاراق آجليقدان اؤلمه سرحدينده ياشايير. سؤزده يئني کاپيتاليست معجزه لر اولاراق حساب ائديلن هينديستان و چينده، يوز ميليونلارلا ايشچي وحشي بير سفالتين پنجه سينه دوشمک اوزره. آمریکا و اروپادا دا اهالي نين بؤيوک بير لایه سي دؤزولمز بير محروملاشماقلا قارشي-قارشييا قاليبلار.
بوتون ايش سئکتورلاري تاثيرلنميش وضعيتده. اوفيسلرده، بانکلاردا، فابريکلرده، خستخانالاردا، ايره لي تئخنولوگييا سئکتورلاريندا، اتوموبیل صنایعسينده، اينشااتدا و پايلامادا ميليونلارين کوچه يه آتيلماسي گونده مده. ايشسيزليک تاوان ائتمک اوزره! 2008ين باشيندان بو يانا يالنيز آمریکادا بير ميليونا ياخين ايشچي چوخدان کوچه يه آتيلميش وضعيتده. و بو يالنيز باشلانغيج. بو ايشدن چيخارما دالغاسي، ايشچي طبقه سي عاييله لري نين سيغينماسي نين، قيدا تاپماسي نين و ساغلامليقلارينا ديقت ائده بيلمه سي نين گئتديکجه چتينلشه جگي معناسيني وئرير. بو عئيني زاماندا بو گون کاپيتاليزمين گنج اينسانلارا تکليف ائده بيله جک هئچ بير گله جگي اولماديغي معناسينا دا گلير.

دونن بيزه يالان دانيشميش اولانلار هله يالان دانيشير!
بو قييامته بنزر پئرسپئکتيو آرتيق کاپيتاليست دونيانين ليدئرلري، سومورجی طبقه یه خدمت ائدن سيياستچيلر و ژورناليستلر طرفيندن گيزلنه بيلمير. بونو نئجه ائده جکديلر ؟ دونيانين ان اهميتلي بانکلاريندان بعضيلري چؤکدو؛ بونلار آنجاق دولت طرفيندن تامین ائديلن يوز ميلياردلارلا دوللار، پووند و یورولار سايه سينده قورتاريلا بيلدي. آمریکا، آسیا و اروپا بورسلاري اوچون سونو گلمه يهن بير ائنيش سؤز مؤوزوسو: يانوار/وجاق 2008دن بري 25 تريليون دوللار ايتيرديلر و بو مقدار آمریکاين ايکي ايلليک جمعي ايستحصالينا برابر. بوتون بونلار دونيا سويييه سينده سووئرئن طبقهي قوجاقلايان گئرچک چاخناشماسي گؤسترير. اگر بو گون بورسلار چؤکورسه بونون سببي يالنيز بانکلارين اوز-اوزه قالديغي فلاکت وضعيت ده گیل، عئيني زاماندا کاپيتاليستلرين اقتصادی فعاليتلرده کي نهنگ بير ائنيشدن اؤتري قازانجلاريندا باش چئويريجي بير آزالما اولماسي، ايشلتمه لرين آرت آردا باتماسيني، کئچن 40 ايلده گؤرولنلردن چوخ داها پيس بير دورغونلوق گؤزلمه لريدی.
معین دونيا ليدئرلري، بوش، مرکل، براون، سارکوزي، هو ژيانتو، بير سيرا ييغينجاق و زيروه ده (G4, G7, G8, G16, G40) زيياني اؤنله مک و ان پيسي نين گلمه سيني مانعه تؤرتمک اوچون بير آرايا گلديلر. نويابر اورتاسيندا ائديله جک ‘کاپيتاليزمي يئنيله مک اوچون’ يئنه بير زيروه گوندمده. آژيته اولموش سيياستچيلره برابر تک شئي تی وی، راديو و قزئت متخصصلري نين آزغينليغي… بحران بير نؤمره لي مئديا حئکايه سي اولموش وضعيتده دیر.

نييه بئله سي بير سؤز بومباردماني وار؟
اصلينده بورژوازييا آرتيق داها چوخ اقتصادیاتين فلاکت وضعيتيني ساخلايا بيلمه ديگيندن، بيزي مثلاين کاپيتاليزمي ده گیل، بعضي ‘حدديندن آرتيقليقلاري’ و ‘سوء-استفاده لري’ سورغولاما مسئله سي اولدوغونا اينانديرماغا چاليشير. ” گناه کارشناسلاردا ” ! ” گناه آچ گؤزلو موديرلريندی ” ! ” گوناهکار وئرگي جنّتلري ” ! ” گناه ‘نئو-لیبراليزميندیر ” !
بو پري ناغيليني بيزه اوددورماق اوچون بوتون پروفئسسيونال فيريلداقچيلار حرکته کئچمه يه چاغيريلير. دونن اقتصادیاتين ساغلام اولدوغونو، بانکلارين محکم اولدوغونو سؤيله ين عئيني ‘متخصصلر’ بو گون اؤزلريني تی وی ائکرانلارينا آتيب يئني يالانلار قوسورلار. دونن ‘نئو-لیبراليزمين’ راه حل اولدوغونو، دولتين اقتصادیاتا مداخله ائتمه مه سي لازيم اولدوغونو سؤيله ينلر، آرتيق دولتين داها چوخ مداخله ائتمه سي لازيم اولدوغونو سؤيله ييرلر. داها چوخ دولت و داها چوخ ‘اخلاق’ اولسا کاپيتاليزم ياخشي اولاجاق! بيزه ساتماغا چاليشديقلاري يالان ايشده بو!

کاپيتاليزم بحرانلاريني آشا بيلرمي؟
گئرچک بودور کي بو گون دونيا کاپيتاليزميني سيخيب قوووران بحرانلار، 2007 يازيندا آمریکاداکي ايقامتگاه شاري ( مسکن حبابینین) نين پارتلاماسيندان قايناقلانمير. 40 ايلدن چوخ بير زاماندان بري بير دورغونلوغو ديگري ايزله يير: 1967، 1974، 1981، 1991، 2001. اون ايللردن بري ايشسيزليک داواملي بير ائپيدئمييايا چئوريلدي و ايستيثمار ائديلنلر حيات استاندارتلارينا ايستيقامتلي آرتان هوجوملارا معروض قالدي. نييه؟ چونکي کاپيتاليزم اينسان احتيياجلاري اوچون ده گیل، بازار و قازانج اوچون چيخاران بير سيستئم. قارشيلانا بيلمه يه ن بير چوخ احتيياج وار آما بونلار قازانجلي ده گیل: ديگر بير دئييشله اهالي نين بؤيوک اکثريتي چيخاريلان ماللاري آلا بيله جک واسيطه لردن محروم. اگر کاپيتاليزم بحرانداديرسا، اگر يوز ميليونلارلا و ياخيندا ميلياردلارلا اينسان گؤز يومولاماز بير سفالت و آجليغا ايتله نيلميشسه، بونون سببي سيستئمين کيفايت قدر چيخارماماسي ده گیل، ساتا بيله جگيندن داها چوخ مال چيخارماسيدير. بورژوازييا بو پروبلئمين اطرافيندان دؤنمک اوچون هر سفرينده ساختا بير بازار ياراتماغا چاليشير و کوتلوي کرئديتلره موراجيعت ائدير. بونا گؤره ‘ياخشيلاشمالار و دوزلمه لر’ هر سفرينده قارانليق صاباحلارا گتيريب چيخارير، چونکي گونون سونوندا کرئديتلرين قارشيلانماسي، بورجلارين گئري اؤدنمه سي لازيمدير.
بو گون رئاللاشان تام دا بودور. کئچن بير نئچه ايلين بوتون ‘فوق العاده بؤيومه سي’ تاماميله بورجا سؤيکندی. دونيا اقتصادیاتي بحران اوزرينده ياشاييردي و ايندي فاکتوراني شيشه زاماني گلديگينده هر شئي کارت کارتلاريندان قولله لر کيمي ييخيلدي. کاپيتاليست اقتصادیاتين موجود سارسينتيلاري، سياسي ليدئرلرين ‘پيس رهبرليگيندن’، ‘تاجيرلرين’ پیس فرضيييه سيندن يا دا بانکچيلارين مسئوليتسيز رفتارلاريندان قايناقلانمير. بوتون بو اينسانلار کاپيتاليزمين قانونلاريني تطبیق ائتمکدن باشقا بير شئي ائتمه ديلر و سيستئمي خاراباليغا چئويرن ده ايشده تام بو قانونلار. ايشده بونا گؤره دولتلر و اونلارين مرکز بانکلاري طرفيندن بازارلارا تزریق ائديلن ميلياردلار هئچ فايدا ائتميه جک. داها دا بئتري! بونلار آتشه قيزيشدير گئتمک کيمي، بورجون اوستونه بورج ييغماقدان باشقا بير شئي ده گیل. بورژوازييا بو يازيق و سونسوز تدبيرلرله يالنيز اؤز گوجسوزلوگونو گؤسترير. تئز يا دا کئچ بو قورتارما پلانلاري موفقیتسيز اولماغا محکومدور. کاپيتاليست اقتصادیات اوچون هئچ بير گئرچک ياخشيلاشما مومکون ده گیل. تنففوس ائديل يا دا ساغين هئچ بير سيياستي، کاپيتاليزمي قورتارا بيلمز چونکي سيستئم ساغالماز اؤلومچو بير خسته ليکدن اؤتري جان وئرير.
آرتان سفالته قارشي، همريليک و طبقه مبارزه سي!
هر يئرده 1929 بحراني و 1930لارين بؤيوک بحرانييلا موقاييسه ائتمه لر ائديلديگيني گؤروروک. او دؤورلرين منظره لري هله يادداشلاردا: بيتمز توکنمز ايشسيز قويروقلاري، يوخسوللار اوچون آش ائولري، هر يئرده فابريکلرين باغلانماسي. ياخشي، بو گونکي وضعيت عئينيمي؟ جاواب خئير. کاپيتاليزم تجروبه لريندن اؤيرنميش، وحشي بير چؤکوشو دولت مداخله سي و داها ياخشي بير بين الخالق کوورديناسييا سايه سينده اؤنله يه بيلميش اولسا بئله وضعيت چوخ داها جيدي.

لاکين باشقا بير تعيين ائديجي فرق داها وار. 30لارين فلاکت بحراني ايکينجي دونيا دؤيوشونه گتيريب چيخارميشدي. موجود بحران بير اوچونجو دونيا دؤيوشويله بيترمي؟ دؤيوشه دوغرو قاچماق البتته کي حللسيز بحرانلارينا قارشي بورژوازييانين تک راهی حلي. و بونا قارشي قويا بيله جک تک گوج بورژوازييانين اؤلومجول دوشمني بين الخالق ايشچي طبقه سي. 1930لاردا دونيا ايشچي طبقه سي، روسييادا کي 1917 انقلابی نين ياليتيلماسي نين آرديندان، چوخ آغير بير اودوزما آلمیش و اؤزونون امپریالیست قيرغينا چکيلمه سينه ايجازه وئرميشدي. لاکين 1968ده باشلايان بؤيوک مبارزه لردن بري بو گونون ايشچي طبقه سي، قانيني، ايستيثمار ائدن طبقه اوچون تؤکمه يه نيتلي اولماديغيني گؤسترميشدير. 40 ايلدن بري ايشچي طبقه سي کيمي اغريلي اودوزمالار آلمیش اولسا بئله هله آياقدا و خوصوصيله 2003دن بري بوتون دونيادا داها بؤيوک اؤلچوده دؤيوشه گيرير. کاپيتاليزمين ديقته چارپانلاشان بحراني يالنيز آز اينکيشاف ائتميش اؤلکه لرده ده گیل اينکيشاف ائتميش اؤلکه لرده ده يوز ميليونلارلا ايشچي اوچون درين محروملوقلار گتيره جک – ايشسيزليک، سفالت، حتّی قيتليق. لاکين بو عئيني زاماندا ايستيثمار ائديلنلر آراسيندا بير مقاومت حرکتي نين چيخماسيني دا مجبور ائده جک.
بورژوازييانين اقتصادی هوجوملاريني اؤنله مک، بونلارين بيزي موطلق سفالته ايتله مه سيني مانعه تؤرتمک اوچون بو مبارزه لر قطعيليکله لازيمدیر. لاکين بورا آچيق کي، بو مبارزه لر بئله کاپيتاليزمين اؤز بحراني نين درينلرينه باتماسيني مانعه تؤره ده بيلمز. ايشده بونا گؤره ايشچي طبقه سي نين مقاومت مبارزه لري باشقا بير احتيياجا، چوخ داها اهميتلي بير احتيياجا قارشيليق گلير. بونلار ايستيثمار ائديلنلرين اؤز کوللئکتيو گوجلريني، همريليکلريني، اينسانليغا تک آلترناتيوي تقديم ائده بيله جک شعورلاريني اينکيشاف ائتديرمه سيني مومکون ائده جک. بو آلترناتيو کاپيتاليست سيستئمين داغيتماسينی و تاماميله فرقلي تملده ايشله ين بير جمعيتين اونون يئريني آلما سيني ضروری ائدير. بو ائله بير جمعيت کي، آرتيق ايستيثمارا و قورو، بازار اوچون ايستحصالا ده گیل، اينسان احتيياجي اوچون ايستحصالا سؤيکنه جک و ايمتييازلي بير اقلیت طرفيندن ده گیل، ايستحصالچيلارين اؤزلري طرفيندن تشکيلاتلاناجاق. قيساجاسي بو کمونیست بير جمعيت اولاجاق.
80 ايلدير ساغييلا سولويلا بورژوازييانين بوتون لایه لري، شرق اروپا و چينده حؤکم سورن رژيملري، اصلينده دولتچي کاپيتاليزمين بربر بير فورماسيندان باشقا بير شئي اولمامالارينا باخماياراق، ” کمونیست ” اولاراق تقديم ائتمک اوچون البيرليکله مشغول اولدولار. سووئرئنلر اوچون بو، ايستيثمار ائديلنلري باشقا بير دونيانين اوشاق طرفيندن بير خيال اولدوغونا راضي سالماق، اوفوقده کاپيتاليزمدن باشقا بير شئي اولماديغينا اينانديرماق پروبلئمي ايدي. لاکين آرتيق کاپيتاليزم اؤز تاريخي چؤکوشونو ائله آچيق اورتايا قويور کي، ايشچي طبقه سي مبارزه لري گئتديکجه آرتان اؤلچوده کمونیست جمعيت پئرسپئکتيوينه يؤنلمک مجبوريتينده.
مياديني دولدوران کاپيتاليزمين هوجوملاري قارشيسيندا، ايستيثمارا، سفالته و کاپيتاليست دؤيوشون بربرليغينا بير سون وئره بيلمک اوچون؛

ياشاسين دونيا ايشچي طبقه سي نين مبارزه سي!
بوتون دونيانين ايشچيلري بيرلشين!
بين الخالق کمونیست آخين

دیدگاه خود را بیان کنید.